կարևոր
1584 դիտում, 2 տարի առաջ - 2020-06-14 19:21

Իշխան Զաքարյանի հարցաքննությունն ավարտվել է. ո՞ր գործով են նրան հարցաքննել․ Armdaily.am

Իշխան Զաքարյանի հարցաքննությունն ավարտվել է. ո՞ր գործով են նրան հարցաքննել․ Armdaily.am

ԱԱԾ-ում ավարտվել է ՀՀ վերահսկիչ պալատի նախկին նախագահ Իշխան Զաքարյանի հարցաքննությունը։ Նրա փաստաբան Գեղամ Հակոբյանը ArmDaily.am-ի հետ զրույցում հաստատել է, որ գործն առնչվում է ԲՀԿ առաջնորդ Գագիկ Ծառուկյանին մեղսագրվող մեղադրանքի հետ։

«Հարցաքննությունից հետո պարոն Զաքարյանին բաց են թողել։ Նա արդեն տանն է։ Գործը, որի շրջանակներում հարցաքննությունը տեղի է ունեցել ընտրակաշառքնի հետ կապված հարուցված քրեական գործի շրջանակներում է։ Ինչ վերաբերվում է նրա դիրքորոշմանը՝ նախաքննական գաղտնիքի հետ կապված՝ պարտավորություն ունենք և չենք կարող դիրքորոշման կամ ցուցմունքի հետ կապված տեղեկություն հայտնենք, երբ թույլատրելի կլինի՝ կհայտնենք»,- ասել է պաշտպանը։

Հարցին, թե պարոն Զաքարյանը ի՞նչ կարգավիճակ ունի՝ փաստաբանն ասել է՝ «վկա-կասկածյալ, ինչ-որ միջանկյալ կարգավիճակում է, կալանքի միջնորդություն չկա»:

Հիշեցնենք, որ ավելի վաղ տեղեկացրել էինք, որ առավոտյան ԱԱԾ-ն մտել էր Իշխան Զաքարյանի տուն, մանրակրկիտ խուզարկություն էր իրականացվել , որից հետո նրան տարել էին ԱԱԾ։  

  Իշխան Զաքարյանը ԲՀԿ ցուցակով պատգամավոր է ընտրվել, հետագայում առանձնացել է ԲՀԿ-ից և դուրս է եկել քաղաքականությունից։ Նա Համահայկական խաղերի համաշխարհային կոմիտեի նախագահն է։