կարևոր
1285 դիտում, 2 տարի առաջ - 2020-06-13 19:33

Կորոնավիրուսի խնդիրը կարելի է լուծել կառավարություն-հանրություն համագործակցության միջոցով. Փաշինյան

Կորոնավիրուսի խնդիրը կարելի է լուծել կառավարություն-հանրություն համագործակցության միջոցով. Փաշինյան

ՀՀ վարչապետ Նիկոլ Փաշինյանը կարծում է, որ կորոնավիրուսի դեմ պայքարում կարելի է հաջողության հասնել միայն կառավարություն-հանրություն զանգվածային համագործակցության  արդյունքում:

«Ես քաղաքացիներին որևէ բանում չեմ մեղադրում, ներկայացնում եմ այն, ինչ կա: Փորձում եմ օգնել քաղաքացիներին, ինքս ինձ և կառավարությանը, և դա մեր ընդհանուր խնդիրն է: Անհրաժեշտ է ավելի լավ հասկանալ մեր իրավիճակը, դրա բարդություններն ու հետագա բարդացման պատճառները: Մեր խնդիրն է ախտորոշել պրոբլեմը, որպեսզի կարողանանք լուծել այն»,-ասաց վարչապետը հունիսի 13-ին տեղի ունեցած ճեպազրույցի ժամանակ:

Նրա խոսքով՝ պարետատան նիստերին քննարկում են, թե կառավարության գործողությունների ինչ չհամակարգվածություններ են եղել և ամենօրյա ռեժիմով աշխատում են այդ խնդիրները վերացնելու ուղղությամբ, որպեսզի  համակարգն ամբողջությամբ աշխատի մաքսիմալ արդյունավետ, բայց միևնույն է վարչապետի հիմնական թեզը այս հարցում շարունակում է մնալ հետևյալը, որ այս խնդիրը հնարավոր է լուծել միայն կառավարություն-հանրություն  զանգվածային համագործակցությամբ:

Վերադառնալով քաղաքացիներին մեղադրելու խնդրին՝ Փաշինյանն ասաց, որ, ի վերջո, քաղաքացին է դառնում ստեղծված իրավիճակի թիվ մեկ զոհը, ուստի ինչպե՞ս կարելի է զոհին մեղադրել այն իրավիճակի համար, որում նա հայտնվում է: Ըստ Փաշինյանի՝ տվյալ դեպքում իրենք պարտավոր են քաղաքացիներին ներկայացնել պատճառները, ճշմարտությունը, պատճառահետևանքային կապերը, որոնք բոլորին բերում են այս վիճակի: