կարևոր
1226 դիտում, 1 տարի առաջ - 2020-06-13 19:01

Գրիգոր Դիմիտրովը և Դոմինիկ Տիմը հաղթանակով մեկնարկեցին «Ադրիա տուր»- ում

Գրիգոր Դիմիտրովը և Դոմինիկ Տիմը հաղթանակով մեկնարկեցին «Ադրիա տուր»- ում

Նովակ Ջոկովիչի կազմակերպած թենիսի «Ադրիա տուր»-ի Բելգրադի մրցաշարը հաղթանակով մեկնարկեցին Գրիգոր Դիմիտրովը և Դոմինիկ Տիմը:

Դիմիտրովի անդրանիկ մրցակիցը սերբ Դուշան Լայովիչն էր: 1 ժամ 22 րոպե ձգված մրցախաղում բուլղար թենիսիստը հաղթեց երեք սեթերից հետո` 4:3, 3:4, 4:1: Մյուս մրցախաղում Դոմինիկ Տիմի հակառակորդը Դամիր Զումհուրն էր: Երկու սեթերից հետո հանդիպումը դադարեցվեց Զումհուրի վնասվածքի պատճառով:

Սերբ թենիսիստի կազմակերպած մրցաշարին մասնակցում են ATP դասակարգման աղյուսակի մի շարք առաջատարներ: Մասնակիցները բաժանված են երկու ենթախմբի: Առաջին խմբում (Ջոկովիչի խումբ) հանդես են գալու Նովակ Ջոկովիչը, Վիկտոր Տրոիցկինը, Ֆիլիպ Կրաինովիչ և Ալեքսանդր Զվերևը: Երկրորդ խմբում (Տիմի խումբ) կմրցեն Գրիգոր Դիմիտրովը, Դուշան Լայովիչը, Դոմինիկ Տիմը և Դամիր Զումհուրը: