կարևոր
1285 դիտում, 2 տարի առաջ - 2020-06-13 12:17

Զինված հարձակման պատճառով Աֆղանստանում ութ մարդ է զոհվել

Զինված հարձակման պատճառով Աֆղանստանում ութ մարդ է զոհվել

 Աֆղանստանի Հոսթ քաղաքում տեղի ունեցած զինված հարձակման հետևանքով զոհվել է առնվազն ութ մարդ: Այս մասին գրում է «ՌԻԱ Նովոստի»-ն՝ ներկայացնելով Աֆղանստանի ոստիկանության տարածած հայտարարությունը:

Հաղորդագրությունում ասվում է, որ հարձակումը տեղի է ունեցել հունիսի 12-ի երեկոյան Ալիշեր շրջանում: Հարձակման զոհ է դարձել ութ մարդ. նրանց թվում է «Խեզբ է Իսլամի» անդամներից մեկը (Աֆղանստանի իսլամական կուսակցություն):

Դեպքի առնչությամբ երկրում գործող խմբավորումներից ոչ մեկը դեռևս պատասխանատվություն չի վերցրել իր վրա:

Աֆղանստանում բախումներ են ընթանում իշխանական ուժերի և «Թալիբան» արմատական շարժման զինյալների միջև: Ավելի վաղ շարժման անդամները երկրի գյուղական հատվածներում զգալի տարածք են գրավել, այնուհետև  հարձակում գործել խոշոր քաղաքների վրա: Բացի այդ, երկրի տարածքում ուժեղացել է «Իսլամական պետություն» ահաբեկչական խմբավորման ազդեցությունը:

Աֆղանստանի ազգային անվտանգության և պաշտպանության ուժերը համատեղ  գործողություններ են իրականացնում ահաբեկչության դեմ պայքարում: