5-րդ զորամիավորման ենթակայությամբ գործող կապի ստորաբաժանումների զինծառայողներն անցկացրել են ուսումնական վարժանքներ: Այս մասին հայտնում են ՀՀ ՊՆ Տեղեկատվության և հասարակայնության հետ կապերի վարչությունից:
Անձնակազմը սահմանված ժամկետներում ծավալել է կապի հանգույցներ, բացազատվել են հրամանատարական կետեր, իրականացվել են ստորաբաժանումների ներդաշնակման գործողություններ:
Ստուգվել են զինծառայողների մասնագիտական գիտելիքներն ու գործնական հմտությունները, կապի համակարգի աշխատանքի արդյունավետությունը: