կարևոր
1270 դիտում, 2 տարի առաջ - 2020-06-12 12:56

Եգիպտոսը հուլիսի 1-ից կսկսի միջազգային չվերթներ ընդունել

Եգիպտոսը հուլիսի 1-ից կսկսի միջազգային չվերթներ ընդունել

Հուլիսի 1-ից Եգիպտոսը կսկսի ընդունել միջազգային ավիաչվերթներ և թույլ կտա արտասահմանցի զբոսաշրջիկներին լողափեր այցելել. այս մասին տեղեկացնում է Reuters-ը, նշելով՝ առաջնահերթ նախատեսվում է բացել Կարմիր ծովի լողափերը, այդ թվում՝ Հարավային Սինայում, ապա նաև միջերկրածովյան հատվածը։

Ավելի վաղ հայտնել էինք, որ Եգիպտոսն իր օդանավակայանները փակել էր մարտին՝ փորձելով այդ կերպ կանխել կորոնավիրուսի տարածումը: Այս ամենին զուգահեռ ԱՀԿ-ն հայտարարություն է տարածել առ այն, որ աֆրիկյան տարածաշրջանում ՔՈՎԻԴ-19-ի համավարակն սկսում է ուժեղանալ: Մինչ օրս կորոնավիրուսից ամենաքիչ վնասները կրած տարածաշրջանը սկսում է ակտիվանալ, ու դա հատկապես 10 երկրների պատճառով, որտեղ ընդհանուր հաշվով վարակակիրների թիվը հասնում է 200 հազարի: