կարևոր
1565 դիտում, 2 տարի առաջ - 2020-06-12 12:51

Իտալիայում կհարցաքննեն երկրի վարչապետին․ նրան մեղադրում են կորոնավիրուսի պանդեմիայի ժամանակ անփութության մեջ

Իտալիայում կհարցաքննեն երկրի վարչապետին․ նրան մեղադրում են կորոնավիրուսի պանդեմիայի ժամանակ անփութության մեջ

Իտալիայի Բերգամո քաղաքում, որն ամենաշատն է տուժել է կորոնավիրուսից, կհարցաքննեն երկրի վարչապետ Ջուզեպպե Կոնտեին, քանի որ Covid-19-ից մահացած մարդկանց հարազատները կառավարությանը մեղադրել են անփութության մեջ եւ պահանջել են հետաքննություն անցկացնել: Կոնտեն հայտարարել է, որ վախենալու ոչինչ չունի։ Այս մասին հաղորդում է BBC.com-ը։

Մահացածների հարազատները կարծում են, որ Բերգամոյում եւ կորոնավիրուսի բռնկման այլ հիմնական էպիկենտրոններում անհրաժեշտ էր կարանտին սահմանել ավելի վաղ, քան դա արել էին իշխանությունները:

Քաղաքի դատախազությունը 50 իրավաբանական բողոք է ստացել Noi Denunceremo հասարակական կազմակերպությունից, որին անդամակցում են մահացածների հարազատները: Նրանք կարծում են, որ Լոմբարդիայի երկու քաղաքները՝ Ալցանո-Լոմբարդո և Նեմբրո, պետք էր կարմիր գոտի հայտարարել կորոնավիրուսի հայտնաբերումից անմիջապես հետո:

Իտալիայում սա առաջին խմբային հայցն է՝ համավարակի հետ կապված: Դատախազությունը վարչապետից բացի հարցաքննելու է նաև ներքին գործերի և առողջապահության նախարարներին: Դատախազները պետք է որոշեն՝ արդյոք կան հիմքեր հանցավոր անփութության մեղադրանք սահմանելու համար: