կարևոր
1273 դիտում, 2 տարի առաջ - 2020-06-11 18:00

Հայաստանում գտնվող ՌԴ քաղաքացիները կկարողանան մասնակցել Ռուսաստանի սահմանադրական հանրաքվեին

Հայաստանում գտնվող ՌԴ քաղաքացիները կկարողանան մասնակցել Ռուսաստանի սահմանադրական հանրաքվեին

Հայաստանում գտնվող Ռուսաստանի քաղաքացիները կկարողանան մասնակցել իրենց երկրի սահմանադրական հանրաքվեին: Այս մասին մամուլի ասուլիսին ասաց ՀՀ-ում ՌԴ դեսպան Սերգեյ Կոպիրկինը և հավելեց, որ քվեարկության համար հանրապետության տարածքում բացվելու է 6 տեղամաս։

«Բնականաբար, այդ ամենը կարվի հայաստանյան իշխանությունների հետ համաձայնեցմամբ՝ խիստ պահպանելով հակահամաճարակային բոլոր կանոնները»,- նշեց Կոպիրկինը:

Ռուսաստանի Սահմանադրության փոփոխությունների հանրաքվեն նախատեսվում էր անցկացնել ապրիլի 22-ին, սակայն այն հետաձգվել է կորոնավիրուսի հետ կապված իրավիճակի պատճառով: Այն անց է կացվելու հուլիսի 1-ին։