կարևոր
1678 դիտում, 2 տարի առաջ - 2020-06-11 14:28

ԱՀԿ-ն հայտարարել է, որ կորոնավիրուսի ասիմպտոմատիկ դեպքերի վերաբերյալ դեռ պետք է հետազոտություններ կատարել

ԱՀԿ-ն հայտարարել է, որ կորոնավիրուսի ասիմպտոմատիկ դեպքերի վերաբերյալ դեռ պետք է հետազոտություններ կատարել

Առողջապահության համաշխարհային կազմակերպությունը (ԱՀԿ) կարծում է, որ լրացուցիչ  հետազոտություններ են անհրաժեշտ՝ ասիմպտոմատիկ կորոնավիրուսային դեպքերի վարակվածության աստիճանը պարզելու համար: Այս մասին հայտարարել է ԱՀԿ գլխավոր տնօրեն Թեդրոս Ադան Գեբրիեսոսը Ժնևում կայացած ճեպազրույցի ժամանակ. գրում է «ՏԱՍՍ» գործակալությունը:

«Փետրվար ամսվա սկզբից մենք խոսեցինք այն մասին, թե ինչպես վարակված անձինք, ովքեր չունեն ախտանշաններ, կարող են լինել COVID-19 հիվանդության կրող, և որ մեզ անհրաժեշտ է ավելի շատ հետազոտություններ` ասիմպտոմատիկ փոխանցման աստիճանը որոշելու համար», - նշել է նա:

«Այս ուսումնասիրությունները ներկայումս ընթանում են», - հավելել է ԱՀԿ ղեկավարը: