կարևոր
1428 դիտում, 2 տարի առաջ - 2020-06-10 18:25

Գեղարքունիքի մարզպետարանը ավելի քան 1 մլրդ դրամի խնայողություն է կատարել 2019թ. ընթացքում

Գեղարքունիքի մարզպետարանը ավելի քան 1 մլրդ դրամի խնայողություն է կատարել 2019թ. ընթացքում

Գեղարքունիքի մարզպետարանը 2019թ. պետական բյուջեից իրենց հատկացված միջոցներից 1 մլրդ 39 մլն դրամի խնայողություն է կատարել: Այս մասին Ազգային ժողովի մշտական հանձնաժողովների համատեղ նիստում «Հայաստանի Հանրապետության 2019թ. պետական բյուջեի կատարման մասին» տարեկան հաշվետվության նախնական քննարկման ընթացքում ասաց Գեղարքունիքի մարզպետ Գնել Սանոսյանը:

«Գեղարքունիքի մարզին 2019թ. պետական բյուջեից հատկացվել է 11 մլրդ 367 մլն դրամ, որից ծախսվել է 10 մլրդ 328 մլն դրամը կամ 91%-ը»,- ասաց Սանոսյանը:

Մարզպետը նշեց, որ ծախսված միջոցների գերակշիռ մասն ուղղվել է կրթության ոլորտին:

Հունիսի 5-ին ՀՀ Ազգային ժողովի մշտական հանձնաժողովների նիստերում մեկնարկել են «Հայաստանի Հանրապետության 2019թ. պետական բյուջեի կատարման մասին» տարեկան հաշվետվության նախնական քննարկումները: