կարևոր
1363 դիտում, 2 տարի առաջ - 2020-06-10 17:47

«Կոշ» քրեակատարողական հիմնարկի պետի ու տեղակալների մոտ կորոնավիրուս է հայտնաբերվել

«Կոշ» քրեակատարողական հիմնարկի պետի ու տեղակալների մոտ կորոնավիրուս է հայտնաբերվել

Tert.am-ի տեղեկություններով՝ «Կոշ» քրեակատարողականի պետ Մանուկ Պողոսյանն ու նրա տեղակալները՝ ղեկավար կազմից եւս չորս անդամ, ինչպես նաեւ դատապարտյալ վարակվել են կորոնավիրուսով: Ըստ տեղեկություների՝ վարակը հայտնաբերվել է նախօրեին, պաշտոնյաները մեկուսացած են:

Տեղեկության վերաբերյալ լրացուցիչ պարզաբանում ստանալու համար Tert.am-ը պարզաբանում է խնդրել ՔԿՎ հանրային կապերի բաժնի պետ Նոնա Նավիկյանից.

«Կարող եմ հայտնել, որ «Կոշ» քրեակատարողականից հինգ աշխատակից վարակվել է կորոնավիրուսով, նրանք մեկուսացած են պատշաճ կարգով: Կորոնավիրուսով է վարակված նաեւ մեկ դատապարտյալ, ով նույնպես մեկուսացած է, բոլոր դատապարտյալները թեստավորվել են, որոնց պատասխանը բացասական է»:

Նոնա Նավիկյանը նշել է, որ կորոնավիրուսով վարակած դատապարտյալը տեղափոխվել է ԱՆ «Դատապարտյալների հիվանդանոց» քրեակատարողական հիմնարկ։