The Sangay erupted yesterday in Ecuador. Sent by a cousin living there pic.twitter.com/6UVFsmPhda
— Alexandra #TeamJoe (@alexespind) June 9, 2020
Էկվադորի կենտրոնական մասում գտնվող քաղաքները մոխրով են պատվել Սանգայ հրաբխի ժայթքումից հետո։ Այս մասին հունիսի 8-ին հայտնել է երկրի ռիսկերի եւ արտակարգ իրավիճակների կառավարման ծառայությունը, հաղորդում է korrespondent.net-ը։
Նշվում է, որ ներկայում հրաբխային մոխրի շերտը պատել է 16 բնակավայր, որոնցից խոշորագույնը Գուայակիլն է՝ ավելի քան երկու միլիոն բնակչությամբ:
Կանխարգելման նպատակով իշխանությունները քաղաքացիներին կոչ են արել հագնել դիմակներ եւ հագուստ, որն առավելագույնս կփակի մարմինը։
Նշվում է, որ մի քանի բնակավայրում մեկ օրով արգելվել է տրանսպորտային միջոցների երթեւեկությունը, որպեսզի մոխիրն ավելի քիչ օդ բարձրանա։
Հրաբխի ժայթքման հետեւանքով տուժածների եւ ավերածությունների մասին դեռևս չի հաղորդվում: