կարևոր
1406 դիտում, 2 տարի առաջ - 2020-06-10 09:23

Երևան-Երասխ ավտոճանապարհին բախվել են «Jeep Wrangler» և «Range Rover» մակնիշների ավտոմեքենաները․ կան տուժածներ

Երևան-Երասխ ավտոճանապարհին բախվել են «Jeep Wrangler» և «Range Rover» մակնիշների ավտոմեքենաները․ կան տուժածներ

Հունիսի 9-ին, ժամը 23:01-ին Ճգնաժամային կառավարման ազգային կենտրոն ահազանգ է ստացվել, որ Երևան-Երասխ ավտոճանապարհին՝ Արտաշատի արագաչափի մոտակայքում, տեղի է ունեցել ՃՏՊ․ կա տուժած։ Այս մասին տեղեկացնում է ՀՀ ԱԻՆ հասարակայնության հետ կապերի վարչությունը։

Դեպքի վայր է մեկնել ԱԻՆ ՓԾ Արարատի մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Երևան-Երասխ ավտոճանապարհի 31-րդ կմ-ին բախվել են «Jeep Wrangler» (վարորդ՝ Նարեկ Բ․, ծնված 1981 թ․) և «Range Rover» (վարորդ՝ Արմեն Խ․, ծնված 1984 թ․) մակնիշների ավտոմեքենաները, ինչի հետևանքով «Jeep Wrangler» մակնիշի ավտոմեքենան կողաշրջվել է:

Մինչ փրկարարների՝ կանչի վայր հասնելը «Range Rover» մակնիշի ավտոմեքենայի ուղևորներ Մարինե Բ․-ն (ծնված 1983 թ․) և Սուսաննա Գ․-ն (ծնված 2000 թ․) տեղափոխվել են Մասիսի ԲԿ, որտեղ բժիշկները նրանց առողջական վիճակը գնահատել են բավարար: