կարևոր
1265 դիտում, 2 տարի առաջ - 2020-06-09 19:49

ԱԻՆ աշխատակիցներից 15-ը վարակված են կորոնավիրուսով, 82-ն ինքնամեկուսացած են

ԱԻՆ աշխատակիցներից 15-ը վարակված են կորոնավիրուսով, 82-ն ինքնամեկուսացած են

Արտակարգ իրավիճակների նախարարության աշխատակիցներից 15-ը վարակված են կորոնավիրուսով, 82-ն՝ ինքնամեկուսացած են, իսկ 20-ն արդեն ապաքինվել են COVID-19-ից: Այս մասին հունիսի 9-ին հրավիրված ճեպազրույցի ընթացքում ասաց ԱԻ նախարար Ֆելիքս Ցոլակյանը:

«Մեր համակարգում ևս կան վարակակիրներ, որոնք վարակվել են իրենց հարազատներից: Այս ընթացքում ընդհանուր առմամբ ունեցել ենք 35 վարակակիր, որոնցից 20-ն արդեն բուժվել են և վերադարձել շարք, 15-ը դեռ գտվում են բուժման մեջ: Ունենք 82 ինքնամեկուսացված»,- ասաց նախարարը:

Ցոլակյանը նշեց, որ համակարգի ներսում վարակի բռնկում չեն ունեցել, քանի որ անմիջապես մեկուսացրել են վարակվածների հետ շփված աշխատակիցներին: