կարևոր
1332 դիտում, 2 տարի առաջ - 2020-06-09 16:52

Հունաստանը պետք է իր տեղն իմանա. Էրդողանը պատասխանել է Աթենքի քննադատությանը

Հունաստանը պետք է իր տեղն իմանա. Էրդողանը պատասխանել է Աթենքի քննադատությանը

Թուրքիայի նախագահ Ռեջեփ Թայիփ Էրդողանը պատասխանել է Հունաստանի քննադատություններին՝ Ստամբուլում Սբ. Սոֆիայի տաճարը դարձյալ մզկիթի վերածելու իր որոշման վերաբերյալ։ Այս մասին Էրդողանը հայտարարել է TRT հեռուստաընկերությանը տված հարցազրույցում:

Էրդողանը նշել է, որ Թուրքիան ժողովրդավարական պետություն է, և Թուրքիայում կա խորհրդարան, ով պետք է կայացնի նման որոշումներ: Նա հայտարարել է, որ իր երկիրը չպետք է որևէ մեկից թույլտվություն խնդրի:

«Մենք սպասում ենք Պետական խորհրդի որոշմանը և գործելու ենք ըստ դրա»,- նշել է Էրդողանը՝ հավելելով, որ Հունաստանը պետք է իմանա իր տեղը:

Նշենք, որ երիրի պետխորհուրդը հուլիսի 2-ին կհրապարակի որոշումը 1453 թ. մզկիթի վերածված, իսկ 1934 թ. թանգարան դարձած տաճարը դարձյալ մզկիթ դարձնելու վերաբերյալ։