կարևոր
907 դիտում, 1 տարի առաջ - 2020-06-09 16:30

Տավուշում շաքարավազով բարձված բեռնատարը կողաշրջվել է. 50-ամյա վարորդը մահացել է

Տավուշում շաքարավազով բարձված բեռնատարը կողաշրջվել է. 50-ամյա վարորդը մահացել է

Ճգնաժամային կառավարման ազգային կենտրոն հունիսի 9-ին, ժամը 10:09-ին տեղեկություն է ստացվել, որ Կիրանց գյուղում տեղի է ունեցել ՃՏՊ։ Այս մասին հայտնում են ՀՀ ԱԻՆ տեղեկատվության և հասարակայնության հետ կապերի վարչությունից։

Դեպքի վայր են մեկնել ԱԻՆ ՓԾ Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի Տաուշի հատուկ օբյեկտների պահպանության հրշեջ-փրկարարական ջոկատի Ազատամուտի հենակետից և Տավուշի մարզային փրկարարական վարչության հրշեջ-փրկարարական ջոկատից մեկական մարտական հաշվարկ։

Պարզվել է, որ գյուղի 3-րդ փողոցի 3-րդ փակուղում «MAN» մակնիշի բեռնատարը (վարորդ՝ Արթուր Պ․, ծնված 1970 թ․, ՌԴքաղաքացի) դուրս է եկել ճանապարհի երթևեկելի հատվածից և կողաշրջվել՝ վնասելով ավտոճանապարհի արգելապատնեշը (մոտ 25 գմ), էլեկտրասյուն, խմելու ջրի բաժանարարը, ոռոգման համակարգի դիտահորը և մոտակայքում գտնվող ավտոտնակի տանիքն ու պատերը (30 քմ). վարորդը տեղում մահացել է։

Փրկարարները բեռնատարից դուրս են բերել դին և հոսանքազրկել ավտոմեքենան