կարևոր
1229 դիտում, 2 տարի առաջ - 2020-06-09 15:15

ԵԱՏՄ ներկայացուցիչները համաձայնեցրել են կորոնավիրուսի դեմ պայքարի հարցով ծրագիրը

ԵԱՏՄ ներկայացուցիչները համաձայնեցրել են կորոնավիրուսի դեմ պայքարի հարցով ծրագիրը

ԵԱՏՄ անդամ երկրների սանիտարահամաճարակաբանական բարեկեցության ոլորտում լիազոր մարմինների ղեկավարների խորհուրդը համաձայնեցրել է կորոնավիրուսի դեմ պայքարի հարցով ծրագիրը։ Այս մասին նշված է «Ռոսպոտրեբնադզոր»-ի կայքում:

Նշվում է՝ «Ռոսպոտրեբնադզոր»-ի ղեկավար Աննա Պոպովայի ղեկավարությամբ տեսահամաժողովի ռեժիմով կայացել է այս տարի արդեն 10-րդ նիստը: Նիստին մասնակցել են Հայաստանի, Բելառուսի, Ղազախստանի եւ Ղրղզստանի ներկայացուցիչները:

Համալիր ծրագիրն ուղղված է ինչպես ԵԱՏՄ երկրներում ընթացիկ համաճարակաբանական իրավիճակի կարգավորմանը, այնպես էլ այլ վարակիչ հիվանդությունների արձագանքմանն ու կանխարգելմանը:

Այս առնությամբ հաղորդագրությունում, մասնավորապես, ասվում է. «Խորհուրդը քննարկել է նաեւ միության երկրներում կորոնավիրուսի տարածման հետ կապված ընթացիկ իրավիճակը՝ հատուկ ուշադրություն հատկացնելով հերթափոխային մեթոդով աշխատող ձեռնարկություններում պանդեմիայի հակազդեցության գործնական փորձին»։

Բացի այդ, հաջորդ նիստերին ծրագրվում է քննարկել սահմանված սահմանափակումների մեղմացումը:

Ըստ հաղորդագրության՝ նսիտի մասնակիցները բարձր են գնահատել ու շնորհակալություն հայտնել Ռուսաստանին տվյալ թեմայով սեմինարներ կազմակերպելու համար: