կարևոր
1543 դիտում, 2 տարի առաջ - 2020-06-09 14:36

Արման Մուսինյանը հերքում է Փաշինյանի և Տեր-Պետրոսյանի հանդիպման մասին լուրը

Հայաստանի Հանրապետության առաջին նախագահ Լևոն Տեր-Պետրոսյանի մամուլի խոսնակ Արման Մուսինյանը հերքել է ՀՀ առաջին նախագահի և վարչապետ Նիկոլ Փաշինյանի հանդիպման վերաբերյալ լուրը։ Արման Մուսինյանը լուրը հերքող գրառում է կատարել «Ֆեյսբուք»-ի իր էջում։

«Փաստինֆո կայքը տեղեկություն է հրապարակել, որ իբրև թե «երկու օր առաջ ՀՀ վարչապետ Նիկոլ Փաշինյանը հանդիպել է ՀՀ առաջին նախագահ Լեւոն Տեր-Պետրոսյանին»:

Այս կապակցությամբ հայտարարում եմ. Փաստինֆոյի տարածած լուրը դավադիր նպատակներով մոգոնված բացարձակ սուտ է:

Ափսոսում եմ, որ Փաստինֆո կայքը հրապարակել է չճշտված տեղեկություն»,- ասված է գրառման մեջ:

Ժամեր առաջ Pastinfo.am-ը լուր էր տարածել, որ երկու օր առաջ ՀՀ վարչապետ Նիկոլ Փաշինյանը հանդիպել է ՀՀ առաջին նախագահ Լեւոն Տեր-Պետրոսյանին։ Ընդ որում՝ հանդիպման ժամանակ վարչապետը դեռ պաշտոնապես համարվում էր կորոնավիրուսով հիվանդ: