կարևոր
1183 դիտում, 2 տարի առաջ - 2020-06-09 11:44

Վրաստանը խոշոր տուգանքներ է սահմանում հարսանիքների կամ թաղումների անցկացման համար

Վրաստանը խոշոր տուգանքներ է սահմանում հարսանիքների կամ թաղումների անցկացման համար

Կորոնավիրուսային շրջանում այն անձինք, ովքեր լայնամասշտաբ միջոցառումներ կկազմակերպեն, օրինակ՝ հարսանիքներ կամ թաղումներ, կտուգանվեն 2000 լարի (665 դոլար), իսկ իրավաբանական անձանց համար տուգանքի չափը կլինի հինգ անգամ ավելի։ Այս մասին հայտնում է «Վզգլյադ» թերթը:

Նոր տուգանքների մասին հայտարարել է խորհրդարանի իրավական հարցերով հանձնաժողովի նախագահ Անրի Օհանաշվիլին: Նա հիշեցրել է, որ համաճարակով պայմանավորված արգելված է ավելի քան 10-ից ավել մարդկանց հանդիպումները:

«Հուսով եմ, որ մեր հասարակությունը պատասխանատու մոտեցում կցուցաբերի»,- նշել է նա:

Խորհրդարանն այս շաբաթ կհաստատի տուգանքների չափը: Բացի այդ, փակ հասարակական վայրում կամ տրանսպորտում առանց պաշտպանիչ դիմակով մարդիկ կտուգանվեն մինչև 30 լարի (10 դոլար):

Երկուշաբթի օրվանից Վրաստանում ամբողջովին բացվել են ռեստորանները և բարերը, վերականգնվել է քաղաքների միջև կապը: Հունիսի 15-ից երկաթուղային տրանսպորտը կվերսկսի աշխատանքը: Հուլիսի 1-ից Վրաստանը պատրաստ կլինի ընդունել օտարերկրյա զբոսաշրջիկների: Անցյալ տարի 9,4 միլիոն օտարերկրյացի է այցելել երկիր, այդ թվում՝ 1,5 միլիոն ռուս: Այնուամենայնիվ, Վրաստանը օտարերկրացիներին կընդունի միայն այն երկրներից, որտեղ կա կորոնավիրուսային հիվանդության ցածր մակարդակ:

Նշենք, որ Վրաստանում 810 մարդ հիվանդացել է կորոնավիրուսով, առողջացել է 683-ը, 13-ը`մահացել: