կարևոր
1374 դիտում, 2 տարի առաջ - 2020-06-08 21:02

Թուրքիայում ընդդիմադիր լրագրողներ են ձերբակալվել

Թուրքիայում ընդդիմադիր լրագրողներ են ձերբակալվել

Վաղ առավոտյան Թուրքիայում ձերբակալել են «TELE1» հեռուստաալիքի լրագրող Իսմայիլ Դյուքելին և «OdaTV» լրատվամիջոցի Անկարայի լուրերի բաժնի ղեկավար Մույեսեր Յըլդըզին։ Այս մասին հայտնում է ermenihaber.am-ը:

Վերջինիս տանը ոստիկանները նաև խուզարկություն են իրականացրել։ Անկարայի հանրապետական գլխավոր դատախազությունը նրան մեղադրում է ռազմական լրտեսություն անելու մեջ։

Թուրքիայի ներքին գործերի նախարար Սուլեյման Սոյլուն վերջերս Մույեսեր Յըլդըզին անվանել էր «PKK-ի սիրահար»։

Լրագրողն էլ, ի պատասխան նախարարի ատելության խոսքի, սոցացնում գրել էր. «Դե եթե թիրախավորող անձը ներքին գործերի նախարարը լինի, ապա ինձ ի՞նչ է մնում անել, կյանքիս անվտանգության համար ո՞ւմ դուռը գնալ թակել։

Իսկ  «TELE1»-ի լրագրող Դյուքելի ձերբակալության մասին հայտնի է դարձել TELE1-ի գլխավոր խմբագիր Մերդան Յանարդաղի թվիթերյան գրառումից։ Նա նշել է, որ ձերբակալման պատճառը հայտնի չէ։ Հայտնի է միայն, որ դատախազությունը նրան 4 օր կալանքի մեջ պահելու որոշում է կայացրել։ Գլխավոր խմբագիրը շեշտել է, որ լրագրողի դեմ իրկանացված գործողությունները հակասում են ժողովրդավարությանը։