Հռոմի Պապ Ֆրանցիսկոսը դիմելով Վատիկանի Սուրբ Պետրոսի տաճարի հրապարակում հավաքված հավատացյալներին հորդորել է պահպանել անվտանգության նախազգուշական միջոցառումները և չուրախանալ ժամանակից շուտ: Այս մասին հաղորդում է BBC-ն:
«Մենք դեռ պետք է պահպանենք սահմանված կանոնները, քանի որ դրանք կօգնեն մեզ խուսափել վիրուսի նոր բռնկման հավանականությունից»,- ասել է Հռոմի պապը.
Ավելի վաղ, Վատիկանի Սուրբ Աթոռի մամուլի ծառայությունը հաղորդել էր, որ Վատիկանում այլևս COVID-19 հիվանդության ոչ մի դեպք չի արձանագրվել:
Նշենք, որ Իտալիան մտել է կորոնավիրուսի դեմ պայքարի վերջին փուլ և թույլ է տվել, որ իր քաղաքացիները ճանապարհորդեն երկրով մեկ և բացեն սահմանները մի շարք երկրների համար: Վերագործարկվել են խանութները, սրճարանները և ռեստորանները, ինչպես նաև տուրիստական տեսարժան վայրերը: