կարևոր
1614 դիտում, 2 տարի առաջ - 2020-06-08 13:52

ԱԱԾ տնօրենը հեռանում է պաշտոնից

ԱԱԾ տնօրենը հեռանում է պաշտոնից

ArmDaily.am-ի տեղեկություններով՝ ԱԱԾ տնօրեն Էդուարդ Մարտիրոսյանն հեռանում է պաշտոնից։ Նա աշխատանքից ազատման դիմում է ներկայացրել, այսօր՝ ժամը 14.00-ին, ժողով է հրավիրել, որի ժամանակ կհայտարարի այդ մասին, ինչպես նաեւ հրաժեշտ կտա գործընկերներին։

Նշենք, որ Էդուարդ Մարտիրոսյանը ԱԱԾ տնօրենի ժ/պ էր նշանակվել Արթուր Վանեցյանի հրաժարականից հետո, մարտի 19-ին նա նշանակվել էր ԱԱԾ տնօրեն։ Իշխանության ներսում դժգոհություններ կային նրա աշխատանքից՝ կապված հայտնի կոռուպցիոներների գործերի, կարեւորագույն մեղադրյալների քննություն իրականացնող մարմնից թաքնվելու հետ։

Օրերս Փաշինյանը եւս հայտնել էր, որ երկրում հակահամաճարակային կանոնները նորմալ չեն պահպանվում, այս մասով խիստ խոսակցություն է ունեցել ոստիկանապետի եւ ԱԱԾ տնօրենի հետ։

Թե կոնկրետ որն է Մարտիրոսյանի հեռանալու պատճառը՝ դեռեւս հայտնի չէ։