կարևոր
1142 դիտում, 2 տարի առաջ - 2020-06-03 17:27

Ազգային գրադարանը հին կայքը փոխարինել է նորով

Ազգային գրադարանը հին կայքը փոխարինել է նորով

Հայաստանի ազգային գրադարանը նոր կայք է ստեղծել, որի ձևավորումն իրականացրել է Torus design ընկերությունը: Այս մասին հունիսի 3-ին լրագրողների հետ հանդիպմանն ասել է Ազգային գրադարանի տնօրենի ժամանակավոր պաշտոնակատար Հրաչյա Սարիբեկյանը:

«Արդեն ավարտվել է կայքի ծրագրավորումը: Մնում է միայն թեստավորում անցկացնել և կոնտենտը լցնել»,- նշել է Սարիբեկյանը:

Անդրադառնալով գրադարանի թվայնացված նյութին՝ նա տեղեկացրել է, որ կրկնապատճենել են գրադարանի թվայնացված բազան, որը պահելու են երկու տարբեր տեղում:

Մտածում են նոր սերվերներ ձեռք բերել թվայնացված ինֆորմացիան նաև դրանցում պահելու համար: «Անհրաժեշտության դեպքում հնարավոր կլինի հին սերվերների հայելային պատճենում անել: Դեռ քննարկում ենք նաև թվայնացված նյութերն ամպային տիրույթ տեղափոխելու հարցը»,- ընդգծել է գրադարանի տնօրենն ու հավելել, որ իրենց աջակցում է Եվրոպական ազգային գրադարանների ասոցիացիան, որն Ազգային գրադարանի համար դրամաշնորհ է որոնում սերվերային ժամանակակից սարքավորումներ ձեռք բերելու նպատակով: