1194 դիտում, 2020.06.02 20:54

Թրամփը հայտնել է ԱՄՆ-ում COVID-19-ի պատվաստանյութի ստեղծման արագ ընթացքի մասին

Թրամփը հայտնել է ԱՄՆ-ում COVID-19-ի պատվաստանյութի ստեղծման արագ ընթացքի մասին

Ամերիկայի Միացյալ Նահանգների նախագահ Դոնալդ Թրամփը հայտնել է, որ ԱՄՆ-ում կորոնավիրուսի պատվաստանյութի ստեղծման աշխատանքներն ընթանում են ավելի արագ, քան սպասվում էր: Այս մասին Թրամփը գրել է «Թվիթեր»-ի իր միկրոբլոգում:

«Պատվաստանյութի շուրջ աշխատանքները շատ լավ են ընթանում: Ճիշտ այնպես, ինչպես և բուժումը: Շարժվում ենք ավելի արագ, քան սպասվում էր: Լավ նորություններն առջևում են»,- գրել է Թրամփը:

Ամերիկայի Միացյալ Նահանգներն աշխարհում առաջինն է կորոնավիրուսով վարակվածների թվով: Այստեղ վարակման 1 միլիոն 859 հազար 772 հաստատված դեպք կա: Մահացածների թիվը 106 հազար 929 է: Այս ցուցանիշով ևս Միացյալ Նահանգներն առաջինն է աշխարհում:

կիսվել նյութով -