458 դիտում, 2020.06.01 19:16

Ռուսաստանում սահմանադրական փոփոխությունների քվեարկությունը կկայանա հուլիսի 1-ին

Ռուսաստանում սահմանադրական փոփոխությունների քվեարկությունը կկայանա հուլիսի 1-ին

Սահմանադրական փոփոխությունների վերաբերյալ համառուսաստանյան քվեարկությունը կկայանա հուլիսի 1-ին: Այս մասին հայտարարել է ՌԴ նախագահ Վլադիմիր Պուտինը. գրում է «ՌԻԱ Նովոստի»-ն:

Պուտինը հանձնարարել է Կենտրոնական ընտրական հանձնաժողովին, Ռոսպոտրեբնադզորին և մարզերի ղեկավարներին ապահովել լիակատար անվտանգություն:

«Իհարկե, ես կդիմեմ մեր քաղաքացիներին, ժողովրդին, որպեսզի նրանք ակտիվ մասնակցեն այս համառուսաստանյան քվեարկությանը, քանի որ խոսքը հիմնական օրենքի` Սահմանադրության մասին է, որը ներառում է մեր երկրի կյանքը, մեր կյանքը և մեր երեխաներին»,-ասել է Պուտինը:

Հիմնական օրենքում փոփոխություններ կատարելու մասին քվեարկությունը նախատեսված էր ապրիլի 22-ին, բայց կորոնավիրուսի վարակի տարածման պատճառով մարտի վերջին Վլադիմիր Պուտինը հայտարարել էր դրա տեղափոխման մասին: Այնուհետև պետության ղեկավարը նշել էր, որ նոր ամսաթիվը որոշվելու է՝ բժիշկների առաջարկությունների հիման վրա:

կիսվել նյութով -