կարևոր
1282 դիտում, 2 տարի առաջ - 2020-06-01 16:57

Աղմկահարույց նախագծի երկրորդ ընթերցումը՝ 24 ժամվա ընթացքում․ (ՏԵՍԱՆՅՈւԹ)

83 կոմղ, 16 դեմ ձայնով Ազգային ժողովն առաջին ընթերցմամբ ընդունեց իշխանական պատգամավոր Վահագն Հովակիմյանի հեղինակած հանրաքվեի մասին օրենքում փոփոխություններ եւ լրացումներ կատարելու մասին օրինագիծը: Այն հնարավորություն կտա խորհրդարանին նախքան արտակարգ կամ ռազմական դրության ավարտը նոր որոշմամբ չեղարկել հանրաքվե անցկացնելու մասին նախորդ որոշումը:

Այս օրենքն արդեն ամբողջությամբ ընդունելուց հետո օրենսդիրը կկարողանա չեղարկել ՍԴ նախագահ Հրայր Թովմասյանի եւ եւս վեց դատավորի հետագա պաշտոնամավարման հարցը որոշելու համար ապրիլի 5-ին նշանակված, բայց համավարակի պատճառով հետաձգված հանրաքվեն:

Նախագծին դեմ է քվերակել Բարգավաճ Հայաստանը՝ այն համարելով հակասահմանադրական: Մինչդեռ իշխող ուժը վստահեցնում է, որ քաղաքական նպատակ չի հետապնդում, պարզապես համավարակային իրավիճակը թույլ չի տալիս հանրաքվե անցկացնել եւ վտանգել քաղաքացիների առողջությունը:

Գլխադասային՝ պետաիրավական հարցերի հանձնաժողովի առաջարկությամբ եւ պատգամավորների քվեարկությամբ էլ աղմկահարույց այս նախագծի երկրորդ ընթերցումը կկազմակերպվի արտահերթ կարգով՝ 24 ժամվա ընթացքում: 

Մանրամասները՝ Անահիտ Հովհաննիսյանի տեսանյութում։