564 դիտում, 2020.05.28 19:23

Կառավարությունը կկիրառի վարչական լծակներ արտակարգ դրության օրերին հանրային վարքագծի փոփոխման համար

Կառավարությունը կկիրառի վարչական լծակներ արտակարգ դրության օրերին հանրային վարքագծի փոփոխման համար

ՀՀ կառավարությունը նոր տիպի կորոնավիրուսի տարածումը կանխելու նպատակով երկրում հաստատված արտակարգ դրության օրերին հանրային վարքագծի փոփոխության նպատակով նախատեսում է վարչական լծակներ կիրառել։ Այս մասին ճեպազրույցի ընթացքում ասաց ՀՀ վարչապետ Նիկոլ Փաշինյանը։

«Մեր հույսը հանրային վարքագծի փոփոխությունն է, և այդ համատեքստում մենք կիառելու ենք վարչական լծակներ։ Վերջին օրերին գործարկել ենք անսպասելի ռեյդերի պրակտիկան։ Վարչական որոշակի շրջաններում, որոշակի համայնքներում, ոստիկանության տեսչական մարմինների և այլ ուժերի ներկայացուցիչներ մտնում են մի տարածք և ստուգում են, թե ինչքանով են պահպվում հակահամաճարակային կանոնները։ Խախտումներ հայտնաբերելու դեպքում դրանք արձանագրվում են ու փակվում են տարբեր ընկերություններ, ձեռնարկություններ, արգելվում է որոշակի ժամանակով նրանց գործունեությունը։ Դեռևս փակվում են 24 ժամով, սակայն չի բացառվում, որ կրկնակի խախտումներ հայտնաբերելու դեպքում կսկսենք ավելի երկար ժամանակով կիրառել պատժամիջոցներ, օրինակ՝ 3, 4 օրով կամ 1 շաբաթով»,- նշեց Փաշինյանը։

Կառավարությունը մայիսի 14-ին որոշում է կայացրել ՀՀ-ում 2020 թվականի մարտի 16-ին հայտարարված և մինչև մայիսի 14-ը երկարաձգված արտակարգ դրության ժամկետը 2020 թվականի մայիսի 14-ից՝ ժամը 17:00-ից երկարացնել ևս 30 օրով՝ մինչև 2020 թվականի հունիսի 13-ը՝ ժամը 17:00-ն ներառյալ ժամկետով:

կիսվել նյութով -