ՀՀ-ում Գերմանիայի դեսպան Միխայել Բանցհաֆը շնորհավորել է Հայաստանի Առաջին Հանրապետության հիմնադրման 102-ամյակի առթիվ։ Այս մասին հայտնում են Հայաստանում Գերմանիայի դեսպանությունից։
«Սրտանց շնորհավորում ենք Հանրապետության օրվա առթիվ: Դեսպան Բանցհաֆը և Գերմանիայի դեսպանությունը սրտանց շնորհավորում են հայ ժողովրդին այս տոնի կապակցությամբ, տոն, որի նշանակությունը բացառիկ է Հայաստանի պատմության մեջ»,- նշում են դեսպանությունից:
Աշխարհասփյուռ հայությունը մայիսի 28-ին տոնում է Հայաստանի Առաջին Հանրապետության հիմնադրման և Սարդարապատի ճակատամարտում տոնած պատմական հաղթանակի՝ 102-ամյակը: