448 դիտում, 2020.05.26 21:40

Ռուսաստանը սկսել է առաջին ռազմավարական սթելս-ռմբակոծչի կառուցումը

Ռուսաստանը սկսել է առաջին ռազմավարական սթելս-ռմբակոծչի կառուցումը

Ռուսաստանը «Հեռահար ավիացիայի հեռանկարային ավիացիոն համալիր» ծրագրի շրջանակներում սկսել է կառուցել ռազմավարական սթելս-ռմբակոծչի առաջին փորձնական նմուշը: Այս մասին հայտնում է ТАСС-ը։

«Առաջին մեքենայի մասերի պատրաստմամբ կզբաղվի Միացյալ ավիաշինարարական ընկերության կազմում գործող ավիագործարաններից մեկը։ Աշխատանքային կոնստրուկտորական փաստաթղթավորումը ավարտված է, սկսվել է նյութերի մատակարարումը»,- հայտնել է գործակալության զրուցակիցը։

Ինչպես նշել է ТАСС-ի մյուս աղբյուրը, ներկայում արդեն պատրաստվում է ինքնաթիռի սրահը: «Ամբողջ մեքենայի վերջնական հավաքումը պետք է ավարտվի 2021թ․»,- ասել է նա:

«Հեռահար ավիացիայի հեռանկարային ավիացիոն համալիրը» նախագծված է «թռչող թեւի» սխեմայի համաձայն: Մեքենայի կառուցվածքում լայնորեն կօգտագործվեն նկատելիությունը նվազեցնող տեխնոլոգիաներ եւ նյութեր («սթելս» տեխնոլոգիա): Ինքնաթիռը կկարողանա կրել այժմ գոյություն ունեցող եւ հեռանկարային ռազմավարական թեւավոր հրթիռներ, բարձր ճշգրտությամբ ռումբեր, գերձայնային զենք, այն հագեցած կլինի կապի եւ ռադիոէլեկտրոնային նորագույն սարքավորումներով: 

կիսվել նյութով -