կարևոր
715 դիտում, 1 տարի առաջ - 2020-05-24 13:00

Խոշոր ավտովթար Կոտայքի մարզում. Առինջ գյուղի ճանապարհին բախվել են Opel-ն ու ավազով բարձված КамАЗ-ը

Խոշոր ավտովթար Կոտայքի մարզում. Առինջ գյուղի ճանապարհին բախվել են Opel-ն ու ավազով բարձված КамАЗ-ը

Մայիսի 24-ին, խոշոր ավտովթար է տեղի ունեցել Կոտայքի մարզում: Ժամը 10:20-ի սահմաններում Ջրվեժ-Գետարգել գյուղամիջյան ճանապարհի Առինջ գյուղի վարչական տարածքում բախվել են КамАЗ և Opel մակնիշների ավտոմեքենաները: Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով բարեբախտաբար, տուժածներ չկան:

Օպերատիվորեն դեպքի վայր են ժամանել Աբովյանի հիվանդանոցի բժիշկների հերթապահ խումբը, ովքեր տեղում օգնություն են ցուցաբերել վարորդներին, սակայն վերջիններս հրաժարվել են հիվանդանոց մեկնելուց, հայտնելով, որ իրենք վթարի հետևանքով մարմնական վնասվածքներ չեն ստացել:

 Փրկարարները հոսանքազրկել են ավտոմեքենաները և սահմանազատել տարածքը: Ոստիկանությունը պարզում վարորդների ինքնությունը: Ֆոտոլրագրողը հայտնում է նաև, որ բախման հետևանքով ավազով բարձված КамАЗ-ը կողաշրջվել է: