Հունաստանը մտադիր է զբոսշարջիկներին գրավել ապրանքների ու ծառայությունների ցածր գներով

Հունաստանում ներքին և արտաքին զբոսաշրջությունը խթանելու համար կառավարությունը մտադիր է նվազեցնել հանգստացողների շրջանում պահանջված բազմաթիվ իրերի և ծառայությունների գները: Այս մասին տեղեկացնում է «ՌԻԱ Նովոստի»-ն։

Մասնավորապես, խոսքը դեպի կղզիներ թռիչքների, զբոսանավերի, ավտոբուսների, ժամանցային զբոսայգիների մուտքի տոմսերի, ծովային տուրերի գներին է վերաբերում։

Եվս մեկ առաջարկի համաձայն զեղչեր կլինեն սննդի, սուրճի և ոչ ալկոհոլային խմիչքների շուկայում: Այդ ոլորտի ընկերությունների համար կառավարությունը հարկերը նվազեցրել է մինչև 24 տոկոսով:

Զբոսաշրջային սեզոնը երկրում բացվում է հունիսի 15-ից, այդ օրվանից կսկսեն աշխատել սեզոնային հյուրանոցները: Հուլիսի 1-ից սպասվում է օտարերկրյա զբոսաշրջիկների ժամանում:

Տեղական լրատվամիջոցները նշում են, որ  առաջին երկրները, որտեղից կթույլատրվի զբոսաշրջիկների այց, Ավստրալիան է, Կիպրոսը, Իսրայելը, Չինաստանը, Ճապոնիան, Դանիան, Ավստրիան և բալկանյան երկրները: Նրանք ստիպված չեն լինի մնալ կարանտինում, բավարար կլինի կորոնավիրուսի ախտորոշման թեստ հանձնելը: