կարևոր
1117 դիտում, 1 տարի առաջ - 2020-05-22 14:38

Պակիստանում ուղևորատար ինքնաթիռ Է կործանվել (ՏԵՍԱՆՅՈւԹ)

Կարաչիում կործանվել է «Պակիստանյան ավիաուղիներ» ինքնաթիռը։ Այս մասին հաղորդում է РИА Новости-ն։

Ինքնաթիռը Լահորից Կարաչի թռիչք էր կատարում եւ կործանվել է օդանավակայանի մոտ, հայտնում է հեռուստաալիքը՝ վկայակոչելով քաղավիացիայի վարչության աղբյուրին: Կադրերում երեւում է, որ ինքնաթիռի ընկնելուց հետո սեւ ծուխ է բարձրանում։

Ավելի ուշ ավիաընկերության ներկայացուցիչը հաստատել է տեղեկությունը՝ նշելով, որ խոսքը Airbus A320-ի մասին է, որում 90 ուղեւոր է եղել: