կարևոր
1021 դիտում, 2 տարի առաջ - 2020-05-22 12:53

Հնդկաստանում և Բանգլադեշում «Աֆման» փոթորկի հետևանքով զոհերի թիվն անցել է 80-ից

Հնդկաստանում և Բանգլադեշում «Աֆման» փոթորկի հետևանքով զոհերի թիվն անցել է 80-ից

«Աֆման» ուժգին փոթորկի հասցրած վնասներից հետո Հնդկաստանի արևելքում և Բանգլադեշում մայիսի 22-ին սկսվել են վերականգնողական աշխատանքները:

Այս մասին տեղեկացնում է «Deutsche Welle»-ն: Փոթորիկն իր ետևից թողել է հարյուրավոր կիլոմետրերով քանդված, ավերված տարածքներ:

Հիմնական հարվածը հասել է Հնդկաստանի Արևմտյան Բենգալիա նահանգին: Այստեղ մահերի թիվը կազմում է 72: Փոթորկի հետևանքով հազարավոր տներ քանդվել են, հեղեղվել է տեղի օդանավակայանը, բազմաթիվ տներ մնացել են առանց տանիքի, ավելի քան մեկ միլիոն տնային տնտեսություն՝ առանց էլեկտրականության: Տեղական իշխանությունները նշում են, որ փոթորկից վնասը շատ ավելի մեծ եղավ, քան կորոնավիրուսից:

Բանգլադեշում փոթորկի հետևանքով 7 մարդ է զոհվել, ավերվել են հազարավոր ֆերմաներ: Փոթորիկի արագությունը հասել է 200 կմ/ժ:

Հնդկաստանում տարհանվել է ավելի քան 600 հազար, Բանգլադեշում՝ 2.6 միլիոն մարդ: Այդ տարածքներում 1999 թվականից այս կողմ նման ուժգնության փոթորիկ չէր եղել: