կարևոր
1572 դիտում, 2 տարի առաջ - 2020-05-21 15:28

Արսեն Թորոսյանը ներկայացրել է կորոնավիրուսի դեմ պայքարում կատարվող ծախսերը

Արսեն Թորոսյանը ներկայացրել է կորոնավիրուսի դեմ պայքարում կատարվող ծախսերը

Հայաստանում կորոնավիրուսային հիվանդության դեմ պայքարի միջոցառումների շրջանակում բացված հաշվեհամարին մինչ օրս փոխանցվել է 1 մլրդ 98 մլն դրամ։ Այս մասին մամուլի ասուլիսի ժամանակ ասել է ՀՀ առողջապահության նախարար Արսեն Թորոսյանը։

«Մինչ այժմ 2 մլրդ 15 մլն դրամ մենք ստացել ենք պետական բյուջեից, շուտով 1 մլրդ 420 մլն ևս կստանանք պետական բյուջեից։ Ընդհանուր առմամբ այս հիվանդության դեմ պայքարի համար տրամադրվել է 4 մլրդ 540 մլն դրամ։ Այս պահին փաստացի ծախսը, որը վճարվել է պետական հաշվեհամարից, կազմել է ընդամենը 2,4 մլրդ դրամ։ Սա շատ փոքր թիվ եմ համարում նման լայնամասշտաբ միջոցառման համար»,- նշել է Թորոսյանը և հավելել, որ տարբեր գնահատականներով Հայաստանին այս գործողությունների համար մինչև տարվա վերջ անհրաժեշտ է լինելու 300 մլն ԱՄՆ դոլար։

Նրա խոսքով՝ ԲԿ-ներում շինարարության համար ընդհանուրը տրամադրվել է 752 մլն դրամ, որից 1-2 ամսվա ընթացքում ծախսվել է 464 մլն դրամը։

Նախարարն ասել է, որ բժշկական սարքերի համար՝ պետական բյուջեից, նվիրատվությունների և վարկային միջոցների շնորհիվ տրամադրվել է 1,6 մլրդ դրամ։ Դրանից արդեն մատակարարվել է 492 մլն դրամի սարք, սպասվում է 970 մլն դրամի, իսկ մրցութային փուլերում կծախսվի 164 մլն դրամ։