կարևոր
1387 դիտում, 2 տարի առաջ - 2020-05-21 10:26

Հայաստանում գրանցվել է կորոնավիրուսային հիվանդության 335 նոր դեպք. ԹԱՐՄԱՑՈւՄ 21.05.2020

Հայաստանում գրանցվել է կորոնավիրուսային հիվանդության 335 նոր դեպք. ԹԱՐՄԱՑՈւՄ 21.05.2020

 Վերջին 24 ժամում գրանցվել է 335 նոր դեպք: Այս մասին Կառավարության մայիսի 21-ի նիստում հայտնեց ՀՀ վարչապետ Նիկոլ Փաշինյանը:

«Կորոնավիրուսի հետ կապված իրավիճակն ավելի լուրջ է, քան մենք պատկերացնում ենք: Ինչ վերաբերում է մահվան դեպքերին, ապա մեկ օրում գրանցվել է կորոնավիրուսի հետևանքով մահվան 3 դեպք, մահերի ընդհանուր թիվը 70 է»,-նշեց վարչապետը:

Նիկոլ Փաշինյանը նշեց, որ պետք է խստագույն միջոցներ ձեռնարկել՝ համավարակը հսկողության տակ առնելու համար, որպեսզի ստիպված չլինենք նորից գնալ ամենածայրահեղ սահմանափակումների:

«Ներկա փուլում պետք է կարողանանք ապահովել կարանտինային պայմաններ՝ առանց կարանտին հայտարարելու»,- ասաց վարչապետը՝ հավելելով, որ ոստիկանությունն ու պարետատունը պետք է խստացնեն վերահսկողությունը: