կարևոր
1107 դիտում, 2 տարի առաջ - 2020-05-20 13:20

«Ադեկվադ» միաբանության շուրջ 20 աջակիցներ բերման են ենթարկվել. ՄԻՊ արագ արձագանքման խմբերը մեկնել են բաժանմունք

«Ադեկվադ» միաբանության շուրջ 20 աջակիցներ բերման են ենթարկվել. ՄԻՊ արագ արձագանքման խմբերը մեկնել են բաժանմունք

Քիչ առաջ ՀՀ Քրեական ոստիկանության գլխավոր վարչության մասնաշենքի մոտից բերման են ենթարկվել «Ադեկվադ» միաբանության մոտ 20 աջակից:

Ոստիկանները նրանց հորդորեցին լքել տարածքը, քանի որ ՀՀ պարետի որոշմամբ՝ թույլ չի տրվում հինգ հոգուց ավելի անձանց կուտակումները և հորդորեցին պահպանել սոցիալական հեռավորություն:

Մարդու իրավունքների պաշտպանի աշխատակազմ արված մի քանի ահազանգերի հիման վրա, Պաշտպանի հանձնարարությամբ, արագ արձագանքման խմբեր են մեկնել ՀՀ ոստիկանության Կենտրոնական բաժին և Կենտրոնականի բաժնի Մարաշի բաժանմունք։

«Տեղի կունենան առանձնազրույցներ բերման ենթարկված քաղաքացիների հետ և կուսումնասիրվեն նրանց բերման ենթարկելու հիմքերը, իրավունքների ապահովման վիճակը»,-ասված է ՄԻՊ-ի հաղորդագրության մեջ: