կարևոր
1773 դիտում, 2 տարի առաջ - 2020-05-20 13:22

Ուրալում հայտնաբերվել է Քեոփսի բուրգի հսկայական կրկնօրինակը

Ուրալում հայտնաբերվել է Քեոփսի բուրգի հսկայական կրկնօրինակը

«Վայրի Հյուսիս» արշավախմբի զբոսաշրջիկները Պրիպոլյար Ուրալում գտել են մի լեռ, որը հիշեցնում է եգիպտական բուրգ: Այս մասին հայտնել է «Եկատերինբուրգ օնլայն»-ը։ 

Ինչպես պարբերականին պատմել է ակումբի ղեկավար Եվգենի Սվիտովը, լեռը հայտնաբերել են, երբ արշավախմբի անդամները պատրաստվում էին խմբերից մեկի ուղղաթիռային թռիչքին: Այն գտնվում է Խանտի Մանսիյսկի ինքնավար շրջանում։ Սարը երեւում է արբանյակից արված լուսանկարներում։

Արբանյակից ստացված տվյալների համաձայն՝ սարն իր ձևերով, ճշգրտությամբ կրկնօրինակն է Քեոփսի Հայտնի բուրգի ։ Միայն նրա չափերը երկու անգամ ավելի են. բուրգի բարձրությունը 774 մետր է, յուրաքանչյուր հատվածի երկարությունը գրեթե մեկ կիլոմետր է:Լեռ կարելի է հասնել քայլելով  կամ ուղղաթիռով ։

Հաղորդվում է, որ ամռանը օբյեկտը ուսումնասիրելու համար այնտեղ կուղեւորվի Ռուսական աշխարհագրական ընկերության արշավախումբը:

Քեոփսի բուրգը եգիպտական բուրգերից ամենամեծն է եւ աշխարհի յոթ հրաշալիքներից միակը, որը պահպանվել է մինչեւ մեր օրերը: Նրա տարիքը գնահատվում է մոտ չորս ու կես հազար տարի, բարձրությունը՝ 139 մետր։