կարևոր
964 դիտում, 1 տարի առաջ - 2020-05-19 17:31

Ապակենտրոն պայքար կորոնավիրուսի դեմ. եւ այդ մեկ մարդը դու՜ ես, եւ այդ մեկ մարդը ես եմ. Նիկոլ Փաշինյան (ՏԵՍԱՆՅՈՒԹ)

Մենք բավականին մեծ պրոբլեմի առաջ ենք կանգնած այս պահին, և այդ պրոբլեմի պատճառն այն է, որ մենք բոլորս թերևս բավարար լրջությամբ չենք վերաբերվում կորոնավիրուսին, ֆեյսբուքյան ուղիղ եթերի ժամանակ հայտարարեց վարչապետ Նիկոլ Փաշինյանը:

«Եթե այս տեմպը չկոտրենք, մայիսի 29-ին կունենանք 10 հազար, իսկ հունիսի 12-ին՝ 20 հազար դեպք, ինչը նշանակում է, որ մահվան թվերը էականորեն կավելանան, որովհետև վերակենդանացման բաժանմունքներն ամբողջովին լցված կլինեն պացիենտներով, ու մարդկանց օգնություն ցույց տալ չեն կարողանա»ՙ-ասաց վարչապետը:

Վերջինս հավելեց՝ այս օրերին էլ փողոցներում հանդիպել է մարդկանց, որոնք առանց դիմակների, առանց սոցիալական հեռավորության պահպանման շրջում ու զրուցում են, կոչ արեց դիմակ կրել, սոցիալական հեռավորություն պահպանել, ախտահանվել, ախտահանված սպասքից օգտվել: