կարևոր
1341 դիտում, 2 տարի առաջ - 2020-05-19 14:36

Բանգլադեշում սկսել են տարհանել 2 միլիոն մարդու՝ սպասվող ցիկլոնի պատճառով

Բանգլադեշում սկսել են տարհանել 2 միլիոն մարդու՝ սպասվող ցիկլոնի պատճառով

Բանգլադեշի իշխանությունները որոշում են կայացրել տարհանել շուրջ 2 միլիոն մարդու. պատճառը մոտեցող «Ամպան» ցիկլոնն է: Այս մասին հայտնում է «ՌԻԱ Նովոստի»-ն:

Անվտանգ վայր պետք է տեղափոխեն 1.8-2 միլիոն մարդու: Նրանց համար արդեն պատրաստվել է ավելի քան 13 հազար կացարան:

Օդերևութաբանները կարծում են, որ քամին կարող է ունենալ 225 կմ/ ժամ արագություն: Ցունամին շարժվում է ուղիղ Բանգլադեշի և Հնդկաստանի ափեր և իրենից մեծ վտանգ է ներկայացնում:

Ցիկլոնն ամենայն հավանականությամբ Բանգլադեշի ափեր կհասնի մայիսի 20-ի առավոտյան: Օդերևութաբանները նշում են, որ եթե նույնիսկ մինչև ափ հասնելը քամու արագությունը նվազած լինի, միևնույն է, այն լուրջ հետևանքների կարող է հանգեցնել: