կարևոր
1615 դիտում, 2 տարի առաջ - 2020-05-19 09:56

Եղվարդի խճուղում մեքենան բախվել է բետոնե արգելապատնեշին․ կան տուժածներ

Եղվարդի խճուղում մեքենան բախվել է բետոնե արգելապատնեշին․ կան տուժածներ

 Ճգնաժամային կառավարման ազգային կենտրոն մայիսի 18-ին՝ ժամը 21։11-ին, ահազանգ է ստացվել, որ Եղվարդի խճուղում՝ «Գնթունիք» խանութի մոտակայքում, տեղի է ունեցել ՃՏՊ` հրդեհի բռնկմամբ․ կան տուժածներ։ Այս մասին հայտնում են ՀՀ ԱԻՆ տեղեկատվության և հասարակայնության հետ կապերի վարչությունից։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հատուկ հրշեջ ջոկատից երկու մարտական հաշվարկ։

Պարզվել է, որ «Mercedes-Benz E320» մակնիշի ավտոմեքենան (վարորդ` Մուհամեդ Ի., ծնված 1979 թ․, ԻԻՀ քաղաքացի) բախվել է ճամփեզրի բետոնե արգելապատնեշին․ ավտոմեքենայի չորս  ուղևորները մարմնական վնասվածքներով հոսպիտալացվել են «Արմենիա» ՀԲԿ, որտեղ նրանց առողջական վիճակը բժիշկները գնահատել են բավարար:

Փրկարարները հոսանքազրկել են ավտոմեքենան և փակել գազի բալոնի փականը: