կարևոր
1851 դիտում, 2 տարի առաջ - 2020-05-18 16:14

ԱՄՆ-ում COVID-19-ի ֆոնին կտրուկ նվազել է գրին քարտերի, քաղաքացիության համար հայտերի թիվը

ԱՄՆ-ում COVID-19-ի ֆոնին կտրուկ նվազել է գրին քարտերի, քաղաքացիության համար հայտերի թիվը

ԱՄՆ քաղաքացիության եւ ներգաղթի ծառայությունում (USCIS) Գրին քարտ, քաղաքացիություն ստանալու եւ այլ ծրագրերին մասնակցելու հայտերի թիվը կտրուկ նվազել է կորոնավիրուսային վարակի հետեւանքով ՝ սպառնալիքի տակ դնելով դաշնային գործակալության վճարունակությունը: Այս մասին գրում է New York Times-ը, հաղորդում է РИА Новости-ն։

ԱՄՆ քաղաքացիության եւ ներգաղթի ծառայությունը, որն իր աշխատանքը ֆինանսավորելու համար ապավինում է դիմումատուներից գանձվող վճարներին, հայտարարել է, որ ամռանը կարող է ավարտվել գումարը, քանի որ պանդեմիայի արդյունքում զգալիորեն ավելի քիչ մարդ է դիմել վիզաների եւ այլ արտոնությունների համար:

ԱՄՆ քաղաքացիության եւ ներգաղթի ծառայությունը նախատեսում է վճարների 10 տոկոս ավելացում սահմանել՝ նախկինում հայտարարված գների բարձրացումից զատ:

Հիշեցնենք, որ ավելի վաղ ԱՄՆ նախագահ Դոնալդ Թրամփը հայտնել էր, որ հրամանագիր է ստորագրել կորոնավիրուսի պանդեմիայի պատճառով, երկրում աշխատատեղերի դեֆիցիտի պայմաններում, ԱՄՆ-ում ներգաղթի ժամանակավոր դադարեցման մասին: