կարևոր
1626 դիտում, 2 տարի առաջ - 2020-05-18 15:16

Ապրիլյան քննիչ հանձնաժողովի այսօրվա հրավիրյալը ՀՀ զինված ուժերի գլխավոր շտաբի հետախուզության վարչության նախկին պետ Արշակ Կարապետյանն է

Ապրիլյան քննիչ հանձնաժողովի այսօրվա հրավիրյալը ՀՀ զինված ուժերի գլխավոր շտաբի հետախուզության վարչության նախկին պետ Արշակ Կարապետյանն է

Ազգային ժողովում մեկնարկել է Ապրիլյան պատերազմի հանգամանքներն ուսումնասիրող քննիչ հանձնաժողովի հերթական նիստը: Հանձնաժողով է հրավիրված ՀՀ զինված ուժերի գլխավոր շտաբի հետախուզության վարչության նախկին պետ, այժմ՝ ՀՀ վարչապետի խորհրդական, Արշակ Կարապետյանը: Նա  2019 թվականի հոկտեմբերին մեկ անգամ արդեն պատասխանել է հանձնաժողովի անդամների հարցերին, սա նրա երկրորդ ցուցմունքն է:  

Նիստի մեկնարկից առաջ Կարապետյանը հրաժարվեց պատասխանել լրագրողների հարցերին:

Հանձնաժողովի վերջին հյուրերն են եղել զինված ուժերի գլխավոր շտաբի պետ Արտակ Դավթյանը, Սերժ Սարգսյանը, Արցախի պաշտպանության բանակի նախկին հրամանատար Լեւոն Մնացականյանը, նախկին վարչապետ Կարեն Կարապետյանը եւ այլք: 

Անդրանիկ Քոչարյանը լրագրողներին տեղեկացրել է, որ հանձնաժողովը դեսպանատան միջոցով հրավեր է ուղարկել նաեւ Ռուսաստանում բնակվող ՀՀ ԱԳ նախկին նախարար Էդվարդ Նալբանդյանին:

Դեսպանատնից Քոչարյանին տեղեկացրել են, որ նա համաձայն է պատասխանել հանձնաժողովի անդամների հարցերին: Դեռեւս պարզ չէ՝ Նալբանդյանը կգա Հայաստա՞ն, թե՞ նրան հարցեր կուղղվեն տեսակապի միջոցով:

Այս պահին պարզ է, որ հանձնաժողովն իր աշխատանքներն ավարտելու է հունիսի 4-ին, որից հետո կլինի զեկույց: