կարևոր
1450 դիտում, 2 տարի առաջ - 2020-05-18 10:43

Ուհանում բնակիչների շրջանում զանգվածային թեստավորումը կլինի անվճար

Ուհանում բնակիչների շրջանում զանգվածային թեստավորումը կլինի անվճար

Չինաստանի Ուհան քաղաքում, որը համարվում է կորոնավիրուսի ծագման վայր, բնակիչների զանգվածային թեստավորումը լինելու է անվճար:

«ՌԻԱ Նովոստի»-ն տեղեկացնում է, որ այս մասին հայտնել է առողջապահական հարցերով քաղաքային կոմիտեն: Ուհանի օպերատիվ շտաբի որոշմամբ, քաղաքում 10 օրվա ընթացքում պետք է թեստավորվեն բոլոր բնակիչները: Դա արվեց այն բանից հետո, երբ քաղաքում դադարից հետո կրկին վարակի նոր դեպքեր ի հայտ եկան: Ուհանում զանգվածային թեստավորումը սկսվել է մայիսի 14-ին:

«Ուհանի բնակիչները ստիպված չեն լինելու վճարել թեստավորման համար, ծախսերը հոգում են քաղաքային իշխանությունները»,- ասված է կոմիտեի հաղորդագրության մեջ: Նշվում է, որ հասարակության շրջանում նման համատարած թեստավորման անցնելու պատճառներից էր նաև այն, որ քաղաքում ի հայտ են գալիս առանց ախտանշանների վարակվածության դեպքեր, ինչը բացասական է ազդում մարդկանց բնականոն կյանքի վրա՝ առաջացնելով վախեր:

Նոր կորոնավիրուսի առաջացրած հիվանդության բռնկումը 2019-ի վերջին գրանցվել է Կենտրոնական Չինաստանում, այնուհետև տարածվել 212-ից ավելի երկրում և տարածքում: Մարտի 11-ին Առողջապահության համաշխարհային կազմակերպության կողմից ճանաչվել է համավարակ (պանդեմիա)։