կարևոր
1431 դիտում, 2 տարի առաջ - 2020-05-17 20:52

Իսպանական ակումբներն արդեն իսկ կարող են խմբով մարզվել

Իսպանական ակումբներն արդեն իսկ կարող են խմբով մարզվել

Իսպանական ֆուտբոլային ակումբներն այսուհետ կկարողանան նաև խմբային մարզումներ անցկացնել: Այս մասին գրում է իսպանական մամուլը:

Ակումբները վերադարձել են մարզումային երրորդ փուլին, որտեղ թույլատրվում է խմբային մարզումները, սակայն խմբերը պետք է կազմված լինեն 10 անձից ոչ ավել:

Ավելի վաղ հայտնի էր դարձել, որ Իսպանիայի ֆուտբոլի առաջնությունը կարող է վերսկսվել հունիսի 12-ին: Լա լիգայի բոլոր ակումբներն արդեն իսկ զգուշացվել են առաջնության հնարավոր վերսկսման ժամկետների մասին: Լիգայի մյուս հատվածը չի չեղարկվի, և մրցաշրջանը կհասցվի ավարտին: Լիգան ավարտին հասցնելու հիմնական շարժառիթը եղել է ֆինանսական կողմը, քանի որ պանդեմիան լուրջ վնասներ է հասցրել Իսպանիային:   

Իսպանիայի ֆուտբոլի առաջնությունը դադարեցվեց մարտի 12-ին կորոնավիրուսի պանդեմիայի պատճառով: