կարևոր
1620 դիտում, 2 տարի առաջ - 2020-05-14 17:08

Ոստիկանության և ԱԻՆ աշխատակիցները կհետևեն ինքնամեկուսացման ցուցում ունեցող անձանց տեղաշարժին

Ոստիկանության և ԱԻՆ աշխատակիցները կհետևեն ինքնամեկուսացման ցուցում ունեցող անձանց տեղաշարժին

ՀՀ ոստիկանության և արտակարգ իրավիճակների նախարարության աշխատակիցները կհետևեն ինքնամեկուսացման ցուցում ունեցող անձանց տեղաշարժին: Այս մասին ՀՀ Ազգային ժողովում պատասխանելով խորհրդարանի փոխխոսնակ Վահե Էնֆիաջյանի հարցին՝ ասաց փոխվարչապետ, արտակարգ դրության իրավական ռեժիմի պարետ Տիգրան Ավինյանը:

«Հայաստանի Հանրապետությունը բաժանվելու է 119 շրջանների, որոնցում գործելու են մեկական ոստիկանության ու ԱԻՆ աշխատակիցների խմբեր, որոնք պետք է ստուգեն ինքնամեկուսացման ցուցում ունեցող անձանց ինքնամեկուսացման փաստը և համակարգին ազդանշան տան»,- ասաց Ավինյանը:

Կառավարությունը որոշում է կայացրել ՀՀ-ում 2020 թվականի մարտի 16-ին հայտարարված և մինչև մայիսի 14-ը երկարաձգված արտակարգ դրության ժամկետը 2020 թվականի մայիսի 14-ից՝ ժամը 17:00-ից երկարացնել ևս 30 օրով՝ մինչև 2020 թվականի հունիսի 13-ը՝ ժամը 17:00-ն ներառյալ ժամկետով: