կարևոր
1124 դիտում, 2 տարի առաջ - 2020-05-12 10:54

ԱԺ-ն երկարաձգեց մետաղական հանքարդյունաբերության հարցով քննիչ հանձնաժողովի գործունեության ժամկետը

ԱԺ-ն երկարաձգեց մետաղական հանքարդյունաբերության հարցով քննիչ հանձնաժողովի գործունեության ժամկետը

Խորհրդարանը երկարաձգեց Մետաղական հանքարդյունաբերության ոլորտում ներդրումային ծրագրերի շրջանակներում գործադիր իշխանության մարմիններին ներկայացված եւ նրանց ընդունած ֆինանսական եւ այլ հաշվետվությունների օրինականությունը, հիմնավորվածությունը եւ արժանահավատությունը ուսումնասիրող քննիչ հանձնաժողովի գործունեության ժամկետը: Հանձնաժողովի գործունեության ժամկետը երկարաձգելու որոշումը մայիսի 12-ի նիստում քվեարկությամբ ստացավ 99 «կողմ» ձայն:

Հանձնաժողովը ապրիլի 30-ի փակ նիստում որոշել է՝  հիմք ընդունելով «Ազգային Ժողովի կանոնակարգ» ՀՀ սահմանադրական օրենքի 20-րդ հոդվածի 7-րդ կետը, ինչպես նաեւ համավարակի հիմքով հայտարարված արտակարգ դրության պայմաններում աշխատանքի անհնարինության հանգամանքը, կատարված հարցումների արդյունքում ստացված փաստաթղթերի իրավական հիմքերի ուսումնասիրության անհրաժեշտությունը, երկարաձգել հանձնաժողովի լիազորության ժամկետը 3 ամսով: