կարևոր
1691 դիտում, 2 տարի առաջ - 2020-05-11 17:26

Պուտինը հանձնարարել է մինչև հունիսի 1-ը ներկայացնել տնտեսության վերականգնման ծրագիր

Պուտինը հանձնարարել է մինչև հունիսի 1-ը ներկայացնել տնտեսության վերականգնման ծրագիր

Ռուսաստանի նախագահ Վլադիմիր Պուտինը հանձնարարել է կառավարությանը մինչև հունիսի 1-ը  ներկայացնել  տնտեսության  վերականգնման  գործողությունների ծրագիր՝ համատեղ  մշակված  ռեգիոնալ  իշխանությունների և բիզնես ոլորտի ներկայացուցիչների հետ: Այս մասին հաղորդում է ТАСС-ը։

Համապատասխան որոշումը մայիսի 11-ին տեղադրվել է Կրեմլի կայքում:

«Ռուսաստանի կառավարությանը հանձնարարել է բարձրագույն գործադիր մարմինների ղեկավարների և ձեռներեցների  միությունների հետ համատեղ մշակել գործողությունների ծրագիր, որը կապահովի բնակչության զբաղվածության և եկամուտների վերականգնում, տնտեսության աճ, ինչպես նաև երկարաժամկետ կտրվածքով փոփոխություններ տնտեսությունում: Ժամկետը 2020 թվականի հունիսի 1-ն է»,-ասված է փաստաթղթում:

Ապրիլի  28-ին  նախագահ  Պուտինը  հայտարարել  էր  ոչ  աշխատանքային  օրերը  մինչև  մայիսի  11-ը  ներառյալ  երկարաձգելու  մասին:  Նա  այդ  ժամանակ  անհրաժեշտություն  էր  համարել  բնականոն  կյանքին  վերադառնալուն  նախապատրաստվելը:  Հանձնարարել  էր  նախապատրաստել  առաջարկություններ  մայիսի  12-ից  փուլային  տարբերակով  սահմանափակումները  հանելու  մասին: