կարևոր
1325 դիտում, 2 տարի առաջ - 2020-05-11 15:20

Ջոնսոնը հայտարարել է Մեծ Բրիտանիայում կարանտինի ժամկետը երկարաձգելու մասին

Ջոնսոնը հայտարարել է Մեծ Բրիտանիայում կարանտինի ժամկետը երկարաձգելու մասին

Մեծ Բրիտանիայի վարչապետ Բորիս Ջոնսոնը հայտարարել է, որ երկրում կարանտինի ժամկետը երկարաձգվում է մինչև հուլիսի 1-ը և կլինեն փոքր բացառություններ: Այս մասին գրել է «Deutsche Welle»-ը։

«Հիմա սահմանափակումները հանելու ժամանակը չէ»,-ասել է Ջոնսոնը: Նա նշել է, որ երկրում կորոնավիրուսի տարածումը հնարավոր է եղել դանդաղեցնել, ինչի հետ կապված՝ կառավարությունը որոշել է մայիսի 13-ից աննշան մեղմացնել սահմանափակումները:

«Մենք մարդկանց կթույլատրենք դրսում սպորտով զբաղվել, դուք կարող եք արևայրուք ընդունել, սեփական ավտոմեքենաներով այլ տեղ գնալ»,-ասել է վարչապետը:

Նշվում է, որ թույլատրվում են ուղևորությունները երկրի ներսում, քաղաքացիները կարող են գնալ ազգային պարկեր կամ ափեր: Միևնույն ժամանակ շարունակելու է մնալ ոչ ընտանիքի անդամներին տեսակցելու արգելքը:

Երկրում սահմանափակումների մեղմացման հաջորդ փուլը սպասվում է հունիսին: Այդ ժամանակ հնարավոր է բացվեն խանութները, դպրոցները: