կարևոր
2346 դիտում, 2 տարի առաջ - 2020-05-10 21:02

Դեպքի վայրում մեքենան չի հայտնաբերվել. գետը քշել, տարել է այն (ՏԵՍԱՆՅՈՒԹ)

Մայիսի 9-ին` ժամը 22։20-ին, ԱԻՆ Ճգնաժամային կառավարման ազգային կենտրոն տեղեկություն էր ստացվել, որ Տավուշի մարզի Հաղարծին բնակավայրում ավտոմեքենան ընկել է Աղստև գետը։ Ավտոմեքենան գետից դուրս բերելու համար անհրաժեշտ է հատուկ տեխնիկա: Օգնության էին մեկնել ԱԻՆ ՓԾ  մարզային փրկարարական վարչության օպերատիվ խմբերը և հրշեջ-փրկարարական ջոկատից ևս մեկ մարտական։ Գետի վարարման պատճառով, սակայն, փրկարարներին չի հաջողվել ավտոմեքենան դուրս բերել գետից․ աշխատանքները դադարեցվել էին:

Մայիսի 10-ին` ժամը 06:10-ին, աշխատանքները վերսկսելու նպատակով դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից մեկ մարտական հաշվարկ։ Այս մասին հայտնում են ՀՀ ԱԻՆ տեղեկատվության և հասարակայնության հետ կապերի վարչությունից։

Դեպքի վայրում ավտոմեքենան չի հայտնաբերվել (գետը քշել - տարել է)․ սկսվել են որոնողական աշխատանքներ։