կարևոր
1833 դիտում, 2 տարի առաջ - 2020-05-10 18:35

Գետափ-Մարտունի ավտոճանապարհին ավտոմեքենան արգելափակվել է սահած հողաշերտում

Գետափ-Մարտունի ավտոճանապարհին ավտոմեքենան արգելափակվել է սահած հողաշերտում

Մայիսի 10-ին` ժամը 13։18-ին, Ճգնաժամային կառավարման ազգային կենտրոն տեղեկություն է ստացվել, որ Գետափ-Մարտունի ավտոճանապարհին՝ Շատին գյուղի մոտակայքում, տեղի է ունեցել հողաշերտի սահք։ Այս մասին հայտնում են ՀՀ ԱԻՆ տեղեկատվության և հասարակայնության հետ կապերի վարչությունից։

Դեպքի վայր է մեկնել ԱԻՆ ՓԾ մարզային փրկարարական վարչության օպերատիվ խումբը։

Պարզվել է, որ Մ-10 ավտոճանապարհի Գետափ-Մարտունի հատվածի 9-րդ կմ-ի մոտակա սարալանջից տեղի է ունեցել հողաշերտի (մոտ 5 խմ) սահք դեպի ճանապարհի երթևեկելի հատված, ինչի հետևանքով ճանապարհահատվածը դարձնել է միակողմանի երթևեկելի, իսկ ճանապարհահատվածով ընթացող «KIA» մակնիշի ավտոմեքենան (վարորդ՝ Հենրիկ Բ․) վնասվել է և արգելափակվել է թափված հողաշերտի մեջ․ տուժածներ չկան:

Փրկարարները ճանապարհից հեռացրել են քարերը և հատուկ տեխնիկայի օգնությամբ ավտոմեքենան արգելափակումից դուրս բերել։

«Եղեգնաձորի ՃՇՇ» ՓԲԸ-ի աշխատակիցները թափված հողաշերտը հեռացրել են ճանապարհի երթևեկելի հատվածից։